Primeiras horas tras a batalla de PLATEA, unha das máis coñecidas, xunto con Maratón, As Termópilas ou Salamina nas GUERRAS MÉDICAS. Os gregos tómanse un respiro, e contemplan vitoriosos o campo de batalla. A derrota do xeneral persa Mardonio, lugartenente do rei Xerxes, e das súas tropas foi total.
Pausanias, o xeneral espartano ao mando do exército grego, visita o campamento persa, onde se divirte contemplando as súas moitas riquezas. Entre elas destaca o enxoval de Xerxes, a súa vaixela, pratos e luxosas copas, que este deixara a Mardonio, suponse que para celebrar dunha forma axeitada unha hipotética vitoria en Grecia.
A reacción de Pausanias ante tanta riqueza é moi característica da forma de pensar dos espartanos e o seu sentido da AUSTERIDADE:
LXXXII. Entón corre a fama de que pasou un caso notable: dícese que ao fuxir Xerxes da Grecia, deixara a súa propia recámara para o servizo de Mardonio. Vendo Pausanias aquel magnífico aparello, aquela tan rica repostería de vaixela de ouro e prata, aquel pavillón adornado con tantos tapices e colgaduras de diferentes cores, deu orde aos panadeiros, reposteiros e cociñeiros persas de prepararlle unha cea ao modo que adoitaban preparala para Mardonio. Tendo eles feito o que se lles mandaba, din que pasmado entón Pausanias de ver alí aqueles leitos de ouro e prata de tal sorte cubertos, aquelas mesas de ouro e prata así mesmo, aquela vaixela e aparello da cea tan espléndido e brillante, mandou aos seus criados que lle dispuxesen unha cea á espartana, para facer mofa e escarnio da prodigalidade persa. E como a diferenza de cea a cea fose infinita, Pausanias coa risa nos beizos ía mostrando aos xenerais gregos chamados ao espectáculo unha e outra mesa, falándolles así ao mesmo tempo: «Chamarvos quixen, ilustres gregos, para que vísedes polos vosos ollos a tolemia dese xeneral dos medos, que feito a vivir con esa profusión e luxo, quixo vir desposuír aos Espartanos, que tan parca e miserablemente tratámonos.» Así se di que falou Pausanias aos xefes gregos.
Heródoto. Historia. Libro IX.
... noutras palabras, vendo o luxo dos manxares persas, e a austeridade das viandas espartanas, Pausanias non podía máis que preguntarse: ¡Pero que demo andaban estes persas buscando en Grecia!!!
Ningún comentario:
Publicar un comentario