historiasparaadult@s: HISTORIA DO MUNDO CONTEMPORÁNEO

martes, 8 de novembro de 2016

HISTORIA DO MUNDO CONTEMPORÁNEO - 1º BAC/BACAD

TAREFA Nº1 DO PRIMEIRO TRIMESTRE: A UNIÓN EUROPEA

Esta tarefa trimestral, na que ides traballar, POR PARELLAS, 4 estándares de aprendizaxe, ten unha valoración de 16 puntos. Deberedes presentala a ordenador e EN GALEGO. Valorarase a limpeza, orden, data de entrega (data tope o martes 29 de Novembro de 2016).

PRIMEIRA PARTE DA TAREFA:

Estándares que ides traballar:

HdMCB9.3.1. Elaborar eixes cronolóxicos sobre o proceso de construción da Unión Europea.

HdMCB9.4.1. Relacionar razoadamente as institucións da Unión Europea cos obxectivos que esta persegue.

A información que precisades está na seguinte ligazón:

https://europa.eu/european-union/index_es

Facede un eixo cronolóxico da construción desta organización supranacional desde a Creación do BENELUX ata o referéndum británico en torno ao BREXIT

Estes son os acontecementos, desordeados, dos que tes que buscar as datas e situar no eixe cronolóxico (pódelo facer en horizontal ou vertical) :

Tratado constitutivo da Comunidade Europea do Carbón e do Aceiro (CECA) – Creación do BENELUX - Acta Única Europea - Tratado de Lisboa - Tratado de Amsterdam – Reino Unido aproba en referéndum o “BREXIT” (saída da UE) - Tratado de Niza - Premio Nobel da Paz para a UE - Tratado de Roma (Constitutivo da CEE e EURATOM) - Tratado da Unión Europea ou de Maastricht – Emisión de euros como moeda común para 12 países – Sinatura do Convenio de Schengen – Entra en vigor a PAC (Política Agraria Común)

Indicade cales foron os países membros fundacionais e as posteriores adhesións nos anos:

1957:
1973:
1981:
1986:
1995:
2004:
2007:
2013:

Explicade cales son as condicións de entrada que impón a UE para calquera país que se presente como candidato a adherirse:

Indica cales son os obxectivos e funcións de cada unha das seguintes institucións da UE,a través dunha táboa semellante a esta:

INSTITUCIÓN	SEDE	FORMADO POR	DURACIÓN DO MANDATO	FUNCIÓNS
Parlamento Europeo
Consello Europeo
Consello da Unión Europea (antigo Consello de Ministros)
Comisión Europea
Tribunal de xustiza
Tribunal de Contas

----------------------------------------------------------------------------------------------------------------

SEGUNDA PARTE DA TAREFA:

Estándares que ides traballar:

HdMCB10.3.1. Identificar os retos actuais da Unión Europea a partir de novas xornalísticas seleccionadas.

HdMCB10.3.2. Explica comparativamente os desaxustes da Unión Europea na relación con outros países ou áreas xeopolíticas.

Explicade cales son os retos aos que se ve enfrentada a Unión Europea actualmente refundindo a información que aparece nas seguintes ligazóns e utiliza as imaxes inferiores para ilustrar cada unha das explicacións:

http://www.20minutos.es/noticia/2837042/0/retos-union-europea-nuevo-curso-brexit-refugiados/

http://www.eltiempo.com/mundo/europa/union-europea-y-sus-problemas/16502858

http://www.ellitoral.com/index.php/diarios/2016/09/13/internacionales/INTE-02.html

http://www.lainformacion.com/brexit/euroescepticos-paises-Union-Europea_0_929007476.html